منتديات شكو ماكو العراقية .. أصالة .. ثقافة .. معرفة .. أدب .. تنوّع وتعايش .. مرح
 
الرئيسيةمكتبة الصورس .و .جبحـثالتسجيلدخول
إدارة نمتديات شكــو ماكــو العراقيـــــــة تقدّم شكرها الجزيل لكل مَن ساهم في رُقي ونجاح المنتدى .. كما ترحِّب بالزائرين الكـــــــــرام

شاطر | 
 

 @ واااااثق البهادلي @ هو ضيف كرسي الاعتراف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن الساعدي
Admin
avatar

ذكر
عدد المشاركات : 788
العمر : 36
البلد : الكـــــرة الأرضيَّــــــة
الوظيفة : طــــــائـــــر
تاريخ التسجيل : 22/04/2007
النقـــــاط : 5097
الشكر والتقييم : 15
البــــرج : السمك

مُساهمةموضوع: @ واااااثق البهادلي @ هو ضيف كرسي الاعتراف   الجمعة أبريل 03, 2009 11:33 pm


بسم الله الرحمن الرحيم

هااا قد وقع أخونا (( واثق البهادلي )) في فخّ كرسي الاعتراف ..... فأهلاً وسهلاً به

ونطلب من الأخوة والأخوات يشدّون حيلهم على أخوهم هههههه

(( يا ليت تكون سهلة وغير محرجة ))

ديرووووا باااااالكم وانتبهوا للصورة واخذوا عبرة ههههه

مَن حفرة حفرةً لأخيه وقع فيها



مع التقدير

تنبيه هااااااااام:
الرجاء الرجاء عدم وضع أسئلة فيها تدخّل بخصوصيَّات العضو .. مثل: ( العمر
.. الوزن .. الطول .. اللقب .. الإسم الصريح .. من أي محافظة .. أين تعيش )


الأسئلة
كثيرة والغاية من كرسي الاعتراف هي طرح أسئلة على العضو ليستفاد منها
الآخرين .. وليس كما نفهمه سابقاً أو من خلال عنوانه هو الاعتراف بأشياء
خاصة والبوح بها!!


لنجعل من كرسي الاعتراف ساحة لطرح الأسئلة التي نعيشها بالحياة اليومية لنستفيد من الأجوبة

مع التقدير

إدارة المنتدى


ملاحظة : من اليوم سوف أضع التصويت الخاص بالأسبوع المقبل إن شاء الله


_________________





الرجوع الى أعلى الصفحة اذهب الى الأسفل
nawras
عضو فعّـــال
عضو فعّـــال
avatar

انثى
عدد المشاركات : 216
العمر : 26
البلد : العراق
الوظيفة : طالبه
تاريخ التسجيل : 23/12/2008
النقـــــاط : 3274
الشكر والتقييم : 10
البــــرج : السرطان

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 04, 2009 11:47 am

السلام عليكم اخي واثق البهادلي
يله خلي نبدي بالاسئله
شلونك بالجلوس على كرسي الاعتراف مرتاح لو لا؟
سـؤالي الك..ماهو احلى يوم مر بحياتك وراسخ بذاكرتك لهذي اللحضة..؟
وبالمقابل اصعب يوم مر في حياتك وايضا باقي بذاكرتك ولا تنسى..؟
هل انت عصبي ام هادئ ومتى تكون عصبي ومتى تكون هادئ؟
اين تجد نفسك في هذه الحياة ؟
مـا أكثر المواضيع الـتي تجذبك للمشاركه فيهــا .....؟
واخيراً خلصن الاسئله واتمنى ان تكون سهله مو صعبه
تحياتي للجميع
الرجوع الى أعلى الصفحة اذهب الى الأسفل
hanin
عضو متقدّم
عضو متقدّم
avatar

انثى
عدد المشاركات : 767
العمر : 24
البلد : اكره كل الاماكن
الوظيفة : طالبه
تاريخ التسجيل : 11/02/2009
النقـــــاط : 3921
الشكر والتقييم : 13
البــــرج : العذراء

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 04, 2009 12:02 pm

اهلا بك اخي واثق
على الكرسي وانشاء الله تكون مرتاح عليه
ويلا نبدي بالاسئله::

أذا سـألتك منــو انتــ شنو راح يكون جوابك ..؟

شنــو الأشيــآء الــي تح ــرص علـى عملــها كــل يــوم ..؟

حگمـتـك بالحيــآآة ..؟

برأيك تكَدر تبيع الشخص الي باعك حتى لو كان عزيز..؟

فــي بعــض الاح ــيان ينتــابنــا شعــور بالوحــدة
شتعني كلمه الوحده بالنسبه الك اخي..؟

وهــسة قبل أأخر شــي


عنــدك جدآر ابــيض

وانــطيك صبغ احمـر .. أزرق .. أخضـر .. أصفـر

شنو راح ترسم..؟

واخر شي,,,,واعتقد هذا اكثر سؤال محرج
شننننننننو عندك مع اخي الساعدي
ترة اني دخت وما افتهم شي
بس تساؤلات,,,واشعار حب,,,,شنو السالفه؟؟

واخر اخر اخر شي,,,,اريد اطلب طلب
والله اني اسمي حنين مو حنان والله ليش ياخويه تناديني بأسم حنان
ههههههههه,,,هاي كل واحد يصيحلي شكل ما ادري ليش!!..ههه

انشاء الله اكون ما ثقلت عليك خيو
اختك حنين.....بنت العراق
الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 04, 2009 2:03 pm

nawras كتب:
السلام عليكم اخي واثق البهادلي
يله خلي نبدي بالاسئله
شلونك بالجلوس على كرسي الاعتراف مرتاح لو لا؟
سـؤالي الك..ماهو احلى يوم مر بحياتك وراسخ بذاكرتك لهذي اللحضة..؟
وبالمقابل اصعب يوم مر في حياتك وايضا باقي بذاكرتك ولا تنسى..؟
هل انت عصبي ام هادئ ومتى تكون عصبي ومتى تكون هادئ؟
اين تجد نفسك في هذه الحياة ؟
مـا أكثر المواضيع الـتي تجذبك للمشاركه فيهــا .....؟
واخيراً خلصن الاسئله واتمنى ان تكون سهله مو صعبه
تحياتي للجميع

وعليكم السلام ورحمة الله وبركاته
والله خويه الصراحة بالضيم يلتنشدعليه لان اول مرة يحققون وياي الالكترونيا وبعد اخوج يذكرني بتحقيقات الامن العفلقي لاني كنت خارج عن القانون؟!!! وشفت كريسيهم الله لا يواري لعبد مسلم بس الفرق هناك يول وهنا خويه؟؟سبحان الله نفس طكت الريج وبحلجت العيون هنا وهناك
جواب سؤالج : لحد الان ماكو بس نسبيا شردت البعثية وانتهاء دولة بني مروان وبرزان وطبان علان
جواب س2 : امي زينتني عله الطاسة بليلة العيد وظليت ابجي فوك البيتونه للصبح وكلساعة اتفقد شعري لاني اتوسل لله يرجعة !!حسبلي يكلبني بريكي سنة 1991
ج س 3 :نعم من يسون مركة بتيته ومن ماشوف مسلسل النبي يوسف ومسلسل الهروب الكبيرالاجنبي واذا كالولي بأسم الدلع ( ابو خنينة ) ...
وهادى اذا ما أشوف وحدة من نسوان اخوتي وخاصة ام خشم اليابس .. واذا اخلص حاجة واحد ملهوف واذا اشتري كتاب وعبرة من الشباك خاف اتشوفه امي وترزلني لاني مسويها بغير ملحة واذا الانترنيت يفتح لان مسويلي قالون.
ج س 4 : بالجزء المنسي وجودي وعدمه سوه pale
ج س 5 : المواضيع الواقعية التحجي عن مغامرات سالي وعن المشاعر مثل داسكي وهيكارو
الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 04, 2009 3:01 pm

اهلا بك اخي واثق
على الكرسي وانشاء الله تكون مرتاح عليه
ويلا نبدي بالاسئله::

أذا سـألتك منــو انتــ شنو راح يكون جوابك ..؟


وعليكم السلام خوية ( حنة ) مصدر الحنين والحنان لاهاي ولا هاي خير الامور اوسطها
انا يكولون ابنادم لاني ماعرفت لحد الآن ..!! لآن لو اعرف نفسي جا عرفت ربي ؟

شنــو الأشيــآء الــي تح ــرص علـى عملــها كــل يــوم ..؟
شرب الجاي واضوج اختي و قرأة منقبة لامير المؤمنين عليه السلام وما اكثرهن وارمش هواي حتى يقفلون موبايلاتهم...هيج

حگمـتـك بالحيــآآة ..؟

فاعل الخير خيرا منه وفاعل الشر شرا منه

برأيك تكَدر تبيع الشخص الي باعك حتى لو كان عزيز..؟

ذهب الذين يعاش في اكنافهم ... وبقيت في خلف كجلد الاجرب

ومن لم يذد عن حوضه بسلاحه ... يهدم ومن لايظلم الناس يظلم
ومن يجعل المعروف من دون عرضه... يفره ومن لايتق الشتم يشتم
ومن يجعل المعروف في غير اهله ... يكن حمده ذما عليه ويندم
ومن لايزل يستحمل الناس نفسه...ولا يعضها يوما من الدهريسأم

فــي بعــض الاح ــيان ينتــابنــا شعــور بالوحــدة
شتعني كلمه الوحده بالنسبه الك اخي..؟


حقا انني اعيش في المجتمع واحقق الاتصال بيني وبين الناس عن طريق الكلام والتعاطف وكل المواقف المشتركة ولكن لايمكن ان ينفذ الناس الى صميم وجداني او يندمجون اندماجن حقيقيا في باطن ذاتي لا شخص واحد لعله قدر الله له ان يكون ولهسه ماكو ؟
وكثيرا ما يصبح شعوري بالوحدة عبئا لا يطاق والعباس كلش
وحينما القى نظرة على الآخرين من حولي -وهم الذين يرتبط مصيري بمصيرهم - فأجد ان كل ما يمكنهم ان يقدموه لي لا يكاد يعدو ضرب من ضروب العلاقات الخارجية والمجاملات اللفظية السطحية ..
ولكن يا اختي حنين لعل حب الوحدة قد لا يسير دائما جنبا لبى جنب مع عمق الحياة الروحية رنه قد لايكون سوى مجرد عرض من اعراض حب النفس وسوء الظن بالناس..


وهــسة قبل أأخر شــي


عنــدك جدآر ابــيض

وانــطيك صبغ احمـر .. أزرق .. أخضـر .. أصفـر

شنو راح ترسم..؟


ارسم اشارة مرور بالاخضر والاحمر والاصفر .. والازرق اكتب فوتو تره كلاوات وعلامة اكس عليهن ياععععععع
الرجوع الى أعلى الصفحة اذهب الى الأسفل
hanin
عضو متقدّم
عضو متقدّم
avatar

انثى
عدد المشاركات : 767
العمر : 24
البلد : اكره كل الاماكن
الوظيفة : طالبه
تاريخ التسجيل : 11/02/2009
النقـــــاط : 3921
الشكر والتقييم : 13
البــــرج : العذراء

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 04, 2009 3:17 pm

اشكرك خويه على صراحتك بالاجوبه
وحنه هم مقبوله منك خويه واني يصيحولي (حنه) بالبيت....

بس اخر سؤال ما جاوبت عليه ليش....شنو السالفه
اختك حنين (حنه)....بنت العراق
الرجوع الى أعلى الصفحة اذهب الى الأسفل
سنفورة
عضو مشارك
عضو مشارك
avatar

انثى
عدد المشاركات : 105
العمر : 35
البلد : iraq
تاريخ التسجيل : 17/01/2009
النقـــــاط : 3199
الشكر والتقييم : 9
البــــرج : الثور

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 04, 2009 3:45 pm

Shocked مرحبا واثق شلونك شد حيلك على الكرسي بس يارب ماتوكع عنه وبالتوفيق

بدي اسئل
..................



اسمك ؟
عنوانك؟
عمرك؟
تاريخ ميلادك؟
هوايتك؟
شو بتحب؟
شو بتكره؟

--------

كم ساعتك الان ؟
كيف استقبلت خبر جلوسك على الكرسي؟
هل انت متضايق؟
لوفرحان؟
احلى لون بتحبه ؟
كم عدد الاشخاص بمسنجرك ؟
كم اخ الك ؟
كم اخت الك ؟
كم صديق؟
----------

كيف تعرفت على منتديات شكوماكو ؟
اخيرررررررا تحياتي لك
الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   الأحد أبريل 05, 2009 12:56 am

الله بالخير... خويه حنه ما يصير واحد يغلس ههههههههههه قال سيدالكونين الحبيب محمد (صل الله عليه واله الاطهار) : اذا أحب أحدكم أخاه فليخبره .. وقال اسدالله الغالب علي بن ابي طالب (عليه السلام) : وليس كثيرا ألف خل وصاحب .... وان عدوا واحد لكثير وعن ابي جعفر الباقر (ع) قال: ان المؤمنين المتواخين في الله، ليكون أحدهما في الجنة فوق الآخربدرجة ، فيقول : يارب ان صاحبي قد كان يأمرني بطاعتك ويثبطني عن معصيتك ويرغبني فيما عندك فاجمع بيني وبينه في هذه الدرجة فيجمع الله بينهما.

كيف لا والساعدي من هكذا نوع من الاخوه..

واخر شي,,,,واعتقد هذا اكثر سؤال محرج
شننننننننو عندك مع اخي الساعدي
ترة اني دخت وما افتهم شي
بس تساؤلات,,,واشعار حب,,,,شنو السالفه؟؟

ليس من الصعب ان تضحي من اجل صديق، لكن من الصعب ان تجد الصديق الذي يستحق التضحية...
ما زلت اذكر تلك الليلة التي رأيت حسن فيها وتعرفت عليه وبقينا نضحك في الغربة حتى وصلنا الوطن وشربنا الشاي في العلاوي وما افترقنا الا والناس ينادونه هلما بنا في سيارات النجف والتمست طريقي وانا اكفكف دموع الفراق متجها الى واسط بلدتي ومحط رحالي
حن قلبي والمنام حرام... ومن فارق الاحباب كيف ينام
والله ماكان الفراق بخاطري... ولاكن هكذا فعلت الايام

وقد اهديته كتاب سهرت اليالي في تأليفه وترتيبه اسميته ( دفع الحزن والاسى في ذكر العشق والهوى )ويعلم الله كم كان عندي غالي ولاكت تضائل امام غلاوة حسون ونحن ليليا نتحدث عبر الانت ونتبادل النكت والمأثور من القول وطبعا اشلع كلبه شنو هاي وشنو ذيج وانصب كذا وامسح كذا ..زوللعلم اشعر بأنا نلتقي في امور مهمة لاسيما (!!!) بس هوه حولني الى خفاش او سحير اليل لان ما انام لصبح ليلية وشلون طلابة ادور حتى الكهرباء اتجرها فرد جره ولا تطفى
منع النوم شدة الاشتياق ... واذكار الحبيب بعد الفراق
الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   الأحد أبريل 05, 2009 1:52 am

وعليكم السلام اختي سنفورة
ياخويه كليله الاسماء هرهور شلونه ديربالج من شرحبيل
اما الاسئلة الاولى فلن اقبل لن اقبل لاني انسان كللللللللللللش التزم بالغوانين العفو القوانين وهذا ما رباني استاذي كندال

كم ساعتك الان ؟
ما عدي ساعة بس جاي يمجد لصلاة الصبح الآن اني اكره الساعة والمحبس هيج من الله

كيف استقبلت خبر جلوسك على الكرسي؟

كما استقبلت نبأ جويدة بت عمتي هي بالريف ويكلولي تحبك شلون ما ادري

هل انت متضايق؟


لالا لان ما اشوفكم بفضل الله .. يمه همزين لاني فشيله راية الله بيضه واكدر اقنبل بكيفي ....
اكلكم هم حرام واحد يقنبل عليكم بالكرسي المشؤم!!!

احلى لون بتحبه ؟
الطيني... لآن ما يبين بيه الوصخ
بس تسامحا الاخضر
كم عدد الاشخاص بمسنجرك ؟
الاعرفهم 5 والباقي هم 5 لو 6 ما اعرفهم بس منو ضيفهم ما ادري؟ طبعا الساعدي 2 من ال5


كم اخ الك ؟
كم اخت الك ؟
والله الوالد مزوج 3 بس الجبيره 5 ولد و5 بنات 3 اسقاط وعدج الحساب وحدة جابها مطفل والله عدها 3 ولد وهم محسوبين علينه وانت كولي بعد

انا فضولي لازك لرايح وللراد ومن يمج جيكي الحساب

كيف تعرفت على منتديات شكوماكو ؟

من خلال نائب المدير الله يطي بت الحلال تعرف تطبخ لان هو هيج يوصيني بالدعاء.... اوووو لا جزى الله لساني خيرا .......فلتتها
الرجوع الى أعلى الصفحة اذهب الى الأسفل
حسن الساعدي
Admin
avatar

ذكر
عدد المشاركات : 788
العمر : 36
البلد : الكـــــرة الأرضيَّــــــة
الوظيفة : طــــــائـــــر
تاريخ التسجيل : 22/04/2007
النقـــــاط : 5097
الشكر والتقييم : 15
البــــرج : السمك

مُساهمةموضوع: رد: @ واااااثق البهادلي @ هو ضيف كرسي الاعتراف   الأحد أبريل 05, 2009 2:34 am


هههههههههههههههههههههههههه




_________________





الرجوع الى أعلى الصفحة اذهب الى الأسفل
كوثر
عضو فعّـــال
عضو فعّـــال
avatar

انثى
عدد المشاركات : 312
العمر : 25
البلد : العراق
الوظيفة : طالبه
تاريخ التسجيل : 23/09/2008
النقـــــاط : 3476
الشكر والتقييم : 19
البــــرج : الجوزاء

مُساهمةموضوع: رد: @ واااااثق البهادلي @ هو ضيف كرسي الاعتراف   الثلاثاء أبريل 07, 2009 10:16 am

ههههههههههههههههههههههههههههههههههههههههههههههههههههههههههه.اهلا اهلا باخي واثق البهادلي منور الكرسي.شلونك انشاء الله ما نزعجت من اسئلة الاعضاء المحرجه؟ انا راح اتساهل وياك شوي بس شوي مو اكثر ههههههههههههههههه و يله خلي نبدي

من اول قلم اعجبك في المنتدى؟
شاعرك المفضل ؟
مقلب من احد الاصدقاء ؟
كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
الأمنية اللي تتمناها؟ ...
فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك؟
هل ندمت فحياتك على شي معيّــن ؟؟
هل انت راض عن نفسك ..؟؟

يله خلصت انشاء الله تعجبنك الاسئله و تجاوب بصراحه.تقبل مروري المتواضع و ارق التحيات.دمتم بود
الرجوع الى أعلى الصفحة اذهب الى الأسفل
أبو ذيبة العماري
عضو فعّـــال
عضو فعّـــال
avatar

ذكر
عدد المشاركات : 398
العمر : 90
البلد : جنوب العراق - العمارة
الوظيفة : فلاح/سايق كاروبة
تاريخ التسجيل : 24/11/2007
النقـــــاط : 3929
الشكر والتقييم : 12
البــــرج : الجوزاء

مُساهمةموضوع: رد: @ واااااثق البهادلي @ هو ضيف كرسي الاعتراف   الخميس أبريل 09, 2009 11:10 pm

السلامو عليكوم وعلا خيركم
هلا بعد عمك وروحه\\ هلا بهالطول
عمي تساءلاتي هي كالجاي:
صفر: انت من يا بهادل بعد خالك؟
اولن: انت ليش عصبي بعد خالك وتحجي عالرايح والجاي؟
ثاني ين:اخر مرة كليت بيها خريط شوكت؟
فالي ثن: شكثر انواع هوايش عدنه بالعوراق؟
تاسي عن: انت لوتي لو فغير؟
خامي سن: ان ته خبيث ؟
رابيعن: انت ليش ثي مال الله بعد عمك تعبت

الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   الجمعة أبريل 24, 2009 3:39 pm

وعليكم السلام خويه كوثر
من اول قلم اعجبك في المنتدى؟

والله شويه محرج بس مراعاة للحق نور الايمان والساعدي وحنين وكوثر حسب التسلسل المذكور
يبقى التفاوت على نوع ولب الموضوع ....فيتغير الترتيب؟؟؟
شاعرك المفضل ؟السيد صفي الدين الحلي وابو فراس الهمداني
مقلب من احد الاصدقاء ؟
كثيرة ومحرجة
كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
والله الحق ان انشر ما كتبت من بحوث والتعلم اكثر والزوجة التي تشاركني الحديت في العلم والادب وتضحك هواي
فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك؟
والله انا ممن يستشار الاخرين بالقرارات .... والمصيرية بمعية الاخرين العقل والخاصة لي فقط القلب
هل ندمت فحياتك على شي معيّــن ؟؟
كثيرا الوقت الذي امضيته بالفراغ واهمال ابي المتوفي واوقات الوحدة وعدم التقدم اخرويا والكثير الكثير
هل انت راض عن نفسك ..؟؟
اليشوف مصايب الناس تهون مصيبته؟؟!!!
وعن النبي ص لو تكاشفتم لما تدافنتم ؟؟؟؟
الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   الجمعة أبريل 24, 2009 3:47 pm

السلامو عليكوم وعلا خيركم
هلا بعد عمك وروحه\\ هلا بهالطول
عمي تساءلاتي هي كالجاي:
صفر: انت من يا بهادل بعد خالك؟
اولن: انت ليش عصبي بعد خالك وتحجي عالرايح والجاي؟
ثاني ين:اخر مرة كليت بيها خريط شوكت؟
فالي ثن: شكثر انواع هوايش عدنه بالعوراق؟
تاسي عن: انت لوتي لو فغير؟
خامي سن: ان ته خبيث ؟
رابيعن: انت ليش ثي مال الله بعد عمك تعبت

اهلا بالغلي الحجي مد الله بعمرك وبعمر كل اليحبك
عمي انا من البو حبيب ربع جاسم المحمد عمي الشاعر سعد محمد من الكحلاء
انا جنت مسوج وتوني طبت
ما اعرفه
والله كل واحد يكول عله روحه هو افهم الناس ؟
الدبسه والغرة والبكعه والفريزيه وكوندليسه رايس
نوبات اصير خبيث
الله وياك
الرجوع الى أعلى الصفحة اذهب الى الأسفل
أبو ذيبة العماري
عضو فعّـــال
عضو فعّـــال
avatar

ذكر
عدد المشاركات : 398
العمر : 90
البلد : جنوب العراق - العمارة
الوظيفة : فلاح/سايق كاروبة
تاريخ التسجيل : 24/11/2007
النقـــــاط : 3929
الشكر والتقييم : 12
البــــرج : الجوزاء

مُساهمةموضوع: رد: @ واااااثق البهادلي @ هو ضيف كرسي الاعتراف   السبت أبريل 25, 2009 6:06 am

والله لو اعرف اضحك جا ضحكت على كوندليزا رايس هاي مو ام وزارة الطلعة مال ام ريكا؟
انه بعد عمك مرة سئلت هذا المودير كتله شلون اخلي ضحكه من اريد اكتب هو علمني شوية ما افتهمت منه شي وهو ائيس مني بالاخير كلالي من تريد تضحك بالكتابة اضحك واجعص على الانتر اللي تصير بالجكجوكة مالكالمبروتر هاي اللي يسموها الحضر لوحة الاصابع
عمي علمود الهوايش اي بعد عمك صحيح ما كلت ولا عاب حلكك بس عمي حسيتك مهتهزز بيه شوية بمجاوباتك \\ تره انه افتهم الحجي مو بناكم اثول لو فطير
بس انتو صدك ما تستحون اي والله \\ انه الفطير؟ الله كريم

الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   الثلاثاء أبريل 28, 2009 7:28 am

ههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههه
لا عمي انت البركة بس خلي صدرك رحب والله بغير المنتدى بالضيم وجواب شكو ماكو الحزن والبؤس
اروح فدوة الك عمو الغلي بعد جلاويي ههههههههههههههههههههههههههه هاي صورتك رهيبه تكسر الخاطر والعباس صدك ضحكت اكثر مما تتصور ............... وانا صدك ما استحي !!! بس المفروض اتخصصني بس اني لان خاف يصير بخاطر الجماعة
ادعيلي وياك عمي
الرجوع الى أعلى الصفحة اذهب الى الأسفل
حسن الساعدي
Admin
avatar

ذكر
عدد المشاركات : 788
العمر : 36
البلد : الكـــــرة الأرضيَّــــــة
الوظيفة : طــــــائـــــر
تاريخ التسجيل : 22/04/2007
النقـــــاط : 5097
الشكر والتقييم : 15
البــــرج : السمك

مُساهمةموضوع: رد: @ واااااثق البهادلي @ هو ضيف كرسي الاعتراف   الثلاثاء أبريل 28, 2009 8:35 am

ههههههههههههههههه الله يساعدك خوية واااااثق الورد .... هاي وين هالغيبة
غيباتك كلها كبرى شني سالفتك خوية؟

وهاي سالفة عمو أبو ذيبة متخلص تره .... وإنت صوجك خوية بديتها وياه من البداية .... على كولته البهادلي داخل على شر ههههههههههه

تحياتي

_________________





الرجوع الى أعلى الصفحة اذهب الى الأسفل
واثق البهادلي
عضو فعّـــال
عضو فعّـــال
avatar

ذكر
عدد المشاركات : 261
العمر : 38
البلد : العراق
تاريخ التسجيل : 13/01/2009
النقـــــاط : 3869
الشكر والتقييم : 7
البــــرج : الحمل

مُساهمةموضوع: رد: @ واااااثق البهادلي @ هو ضيف كرسي الاعتراف   الخميس أبريل 30, 2009 12:08 pm

هلا بالعزيز الساعدي يسعد كليبك انشاالله خويه انا لو انت دومك حاير بجنيتطك وين؟ رايح!!! تستقر بمجان سودة بويهي علكلن مشتاغغغين انا تره بخلافك ما كلتني الجلاب وكطعت النت من البيت ورحت للكرادة اشتغلت فترة وشردت منها وهسه بالبيت منتظر سفرة لدول الجوار نخاني الزيباري بشغيلة اكضيها اله وفشلة ما كدرت اردنه خايب
الرجوع الى أعلى الصفحة اذهب الى الأسفل
حسن الساعدي
Admin
avatar

ذكر
عدد المشاركات : 788
العمر : 36
البلد : الكـــــرة الأرضيَّــــــة
الوظيفة : طــــــائـــــر
تاريخ التسجيل : 22/04/2007
النقـــــاط : 5097
الشكر والتقييم : 15
البــــرج : السمك

مُساهمةموضوع: رد: @ واااااثق البهادلي @ هو ضيف كرسي الاعتراف   الجمعة مايو 01, 2009 12:52 am


إي الحمد لله على سلامتك ... بصراحة هوشيار زيباري اتصل عليَّ البارحة وكلَّفني أحجي وياك بخصوص هاي الشغلة

وآني اعتذرت نيابةً عنَّك بس هو كال شوية المالكي ديضغط عليه بصراحة ..

آني أكول إنت حاول تتصل على زيباري وتفهمه الموضوع وتكلّه بأنَّك شوية مشغول بشغلة تأميم النفط



_________________





الرجوع الى أعلى الصفحة اذهب الى الأسفل
 
@ واااااثق البهادلي @ هو ضيف كرسي الاعتراف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الترحيب والتعارف بين أعضاء المنتدى :: كـــــرســـي الإعتــــــــــراف-
انتقل الى: